فلمی قاعدہ از کرشن چندر - تعارف کتاب

ہندوستان کی فلم نگری پر کرشن چندر کے قلم کا نشتر !!
فروری 1966 میں پہلی بار شائع ہوئی اس کتاب میں فلمی نگارخانے پر لکھے گئے کرشن چندر کے چند طنزیہ مضامین اور انشائیے شامل ہیں۔

کرشن چندر کہتے ہیں ۔۔۔

دراصل یہ فلم کا عہد ہے۔ ہندوستان میں صرف پندرہ فیصد لوگ پڑھے لکھے ہیں۔ لیکن سینما دیکھنے والے سو فیصدی ہیں۔ اس لیے اگر لوگوں کو پڑھا لکھا بنانا ہے تو اس کا سب سے آسان طریقہ یہ ہے کہ انہیں فلم کے ذریعے سے تعلیم دی جائے۔ یہی سوچ کر میں نے مندرجہ ذیل "فلمی قاعدہ" لکھا ہے۔
میرا دعویٰ ہے کہ اس کے پڑھنے سے ہر وہ شخص جو پڑھا لکھا نہیں ہے، بہت جلد پڑھنا لکھنا سیکھ سکتا ہے۔ اپنے دیش اور اپنے ماں باپ کا نام روشن کر سکتا ہے۔ اس قاعدے کی فلم بھی بن سکتی ہے۔ بلکہ اس کے ایک ایک حرف کی فلم بن سکتی ہے۔ جو پروڈیوسر چاہے مصنف کی اجازت حاصل کیے بغیر اس کی فلم بنا سکتا ہے۔ اور اس کے اندر ناچ اور گانے اپنی حیثیت اور حماقت کے مطابق ڈال سکتا ہے!

کرشن چندر کی یہ کتب بھی پڑھیے:
کتاب کا کفن - کرشن چندر
ستاروں کی سیر - کرشن چندر

اسی کتاب سے ایک مضمون ۔۔۔
الف سے ایکٹر ایکٹریس اشتہار - فلمی قاعدہ از کرشن چندر

کتاب "فلمی قاعدہ ، از: کرشن چندر"۔
تعداد صفحات: 200
فلمی قاعدہ ، از: کرشن چندر
Filmi Qaida - Krishan Chander